SHARE

Hello Friends, here in this post we are going to tell you that how to type or write in Hindi language in MS word software, dosto aaj is post main ham aap ko aik asaan tariqa batanay jaa rahay hain ke kaisay aap MS word software application main Hindi typing kar saktay hain.

Tou dosto ab se aap ko heran honay ki zaroorat nahi ke baaki log Hindi main kaisay likhtay hain kiu k aaj ke baad yeh post read karnay ke baad aap ko easily MS word main Hindustani language yani ke Hindi juban likh sakay gay, bas aap is post ko poora read karain aur agar aap ko tariqa easy lagay tou hamari is post ko like zaroor kijay ga.

So friends ab chaltay hain tariqa ki taraf ke kaise aap yeh kaam kar sakaty hain.

Dosto pehla tariqa main jo aap logon ko batanay jaa raha hoon yeh un logo ke liay hay jo Hindi language typing karna jaantay hain.

Write Indian Hindi Language Hindi in MS Word

  1. First of all aap apna koi bhi browser open kar lain like Google chrome, Mozilla Firefox ya opera etc.
  2. Ab yahan par aap Dunya ka sab bara search engine yani ke Google.com open kar lain aur yahan par type karain “Kurti Dev 010 download” aur enter maar dain, aur aap ke samnay pehla link jo aye ga “fonts.webtoolhub.com” ka ho ga aap ne is ko open kar laina hay.
  3. Ab aap ke samnay yeh website open ho jay ge jo ke aap yahan neechay is picture main dekh saktay hain aur aap ne yahan par is green color ke button par click kar dena hay jis par Download likha hua hay, is par click kartay he Kurti Font aap ke windows computer main download ho jay ga.
  4. Ab aap ne is font file ko double click kar ke open karna hay, aur aap ke saamnay font open ho jay ga yahan par ooper diye gay install button par aap ne click kar ke is font ko apnay computer par install kar laina hay, jaisa ke aap is picture main bhi dekh saktay hain.
  5. Ab aap ne aik dafa apnay computer ko restart kar dena hay.
  6. Restart honay ke baad aap ne apna Microsoft word ko open kar laina hay.
  7. Ab yahan par ooper fonts ki option main jaain aur yahan par aap ne jo Hindi font download and install kia tha 010 wala who yahan par show ho raha hay ap picture main bhi dekh saktay hain, just aap ne is par click kar dena hay.
  8. Ab aap Hindi Typing start kar saktay hain, yani ke agar aap Hindi Indian language ke typing master hain tou ab aap apni language main likhna start kar dain.

Ab dosto main aap ko dosra tareeqa batau ga k agar aap ko Hindi language ki typing nahi aati tou aap yeh doosra tariqa use karain.

2nd Method: Type Hindi in any Program / Software

  1. Dosto aap apna koi bhi browser open kar lain like Google chrome, Mozilla Firefox ya opera etc.
  2. Ab yahan par Google search open karain, Google.com
  3. Ab yahan search box main likhain “Google Input Tools Download” aur enter maar dain.
  4. Ab aap ke saamnay jo link open hua hay is par click kar ke is website ko open kar lain, jo ke aap neechay is picture main bhi dekh saktay hain.
  5. Ab aap ke saamnay yeh page open ho ga, aur is page par aap ke saamnay languages likhi aa rahi hon ge jaisa ke neechay image main aap ko dikhai de rahi hain.
  6. Ab yahan par aap Hindi ko select kar lain ya Urdu ya job hi language aap likhna chahtay hain aur “I agree” ke button ko click karnay ke baad Download ke button par click kar dain.
  7. Download complete honay ke baad is file ko open kar lain, aur us par click kar dain, click karnay ke baad aik setup open ho ga jo ke is Hindi language ko aap ke PC main install kar de ga.
  8. Kuch he dair baad aap ko aik box nazar aaye ga jis main likha ho ga ke Installation Completed, aap ne is box main “Close” par click kar dena hay aura b aap wapis apnay windows computer ki desktop par aa jain.
  9. Ab aap apnay keyboard se “Windows + X” buttons aik saath press karain agar ap ko samjh nahi aye tou neechay dee gai picture dekhain aap ko samajh aa jay ge.
  10. Windows + X press karnay par aap ke samnay aik chota sa menu open ho ga jahan par aap ne “Control panel” ki option par click karana hay.
  11. Ab yahan par aap ko aik option nazar aye he “Clock Language and Region” is par click kar dain.
  12. Ab yahan par aap ko Add a Language par click kar dena hay.
  13. Ab yahan par aap “Google Input Tools, Hindi India” par click kar dain, aur “SAVE” ke button ko press kar dain aur aap key yeh language select ho jay ge.
  14. Ab aap apna Microsoft Word file ko open kar lain.
  15. Aur yahan par aap kuch bhi likhain aur aap dekhain ge ke ab typing aap ki apni language Hindi zuban main ho rahi hay, jaisa ke aap neechay picture main bhi dekh saktay hain.
  16. Ab agar dosto aap dobara apni language change karna chahtay hain yani ke dobara English main Typing karna chahatay hain tou just aap ne yeh 2 keys akathi press karni hain.
    “SHIFT + ALT”

  17. Yeh dono keys ko aik saath press kartay he aap ki language change ho jay ge, aur jab bhi dobara aap Hindi likhna chahain tou again aap ne “SHIFT + ALT” press kar denay hain, tou aap ki language again change ho jay ge.

Dosto yeh doosra wala tariqa agar aap ne use kia hay tou aap kisi bhi software ya program main Hindi language ko type kar saktay hain chahay wo MS word ho, MS Excel, Power Point, adobe Photoshop, Corel Draw ya koi bhi doosra software ho, tou dosto main umeed karta hoon ke aap ko yeh article pasand aaya ho ga, aur is tutorial ko bannay ke liay ham ne kaafi time aur mehnat lagai hay tou dosto agar aap ko yeh article tutorial acha laga hay tou please isay like aur social accounts par share zaroor kijay ga, taakay aap ke doosray dost bhi is website se faaida utha sakain.

Dosto agar aap ko is process main koi bhi pareshani aa rahi hay hay ya kisi bhi baat ki samjah nahi aye tou koi problem nahi neechay comments section main aap ham se dobara koi bhi cheez pooch saktay hain aur ham jald se jald aap ko jawab dain gay.

5 (100%) 4 votes