SHARE

A man tries to catch a giant spider at her home and then what happened to him, watch in this viral video clip and review in Hindi language.

Watch Man Tries to Catch Giant Spider Viral Video

Dosto is post main aaj main aik viral video share karnay jaa raha hoon, yeh video facebook par share ki gai thi aur buhat he ziada viral ho gai thi, us ko shuru k 4 dino main he 6 crore se ziada logon ne dekh lia tha aur abhi tak log is video ko dekh aur share kar rahay hain.

Tou dosto, jab bhi aap apnay ghar ya office main kisi spider ko dekhtay hain tou aap is ko foree bhaganay ki koshish kartay hain kiu agar yeh aap ke ooper gir jaain tou aap ko bura mehsoos hota hay, magar yeh video kisi aam makdi “spider” ki nahi hay balkay is main aik giant makdi ko pakadnay ki koshish ki gai hay.

America main aik larkay ke room main aik big spider ghus gai, jo ke chat ke saath chipak kar bethi hui thi, magar who larka is makdi ko marna nahi chahta tha, so us ke zehan main khayal aaya ke kisi tarah is makdi ko pakad kar baahir chor de, so us ne steel ka aik bartan lia aur us ko pakarnay ki koshish karnay laga, magar achanak who spider ghaib ho gai, jis se who larka buhat heran aur pareshan hota hay, magar achanak woh makdi us larkay ke face par aa jati hay, aur who American larka cheekhnay lagta hay.

Reality of Spider Viral Video

Tou dosto yeh hay is video ki strory jis ki waja se yeh facebook, youtube aur doosray social networks par viral hui hay, magar is ki reality ham aap ko batain gay, yeh video bilkul fake hay, aur is main koi sachai nahi hay, yeh video editing k through banai gai hay aur log is ko sach samjh kar heran ho rahay hain aur is video ko share kar rahay hain, magar haqeeqat bilkul is ke bilkul ult hay.

So dosto aap log internet par ya social networks par aisay he kisi post, picture ya video par yaqeen na kar lia karain balkay pehlay us ki pushti kar lia karain.

Spider in Man’s Ear Viral Video’s Reality

Dosto isi tarah kuch arsa pehlay aik aur video viral hui thi, jis main aik larkay ke kaan (ear) main Makdi guss jaati hay, aur who is ko bahir nikalnay ki koshish kar raha hay, tou dosto us video ka bhi baad main pata chala tha ke who fake video hay, aur us video ko bananay wali company ne us video ka bhanda phoda tha.

5 (100%) 5 votes