SHARE

Is post main ham aap ko Hindi main batanay jaa rahay hain ke Google Adsense ki aik new policy October 2018 main launch ki gai hai jo ke kaafi ziada bloggers ke liay kuch mushkilat paida kar de ge, tou is new policy update ke baray main jannay ke liay is article ko poora read karain.

Dosto How2Hindi.com main aap ka sawagat hay, aur dosto aap agar is post ko read kar rahay hain tou aap Google adsense ke baray main achi tarah jantay hain, aur yeh aik aisa platform hay jis se lakhon log poori dunya main paisa kama rahay hain aur online earning kar rahay hain, main khood 2008 se isi platform ke through paisa kama raha hoon, tou dosto waqat guzarnay ke saath saath Google Adsense ki policy bhi update hoti rehti hay, jaisa ke 2008 main is account ko approve karwana koi bari baat nahi thi, just aik blogger.com par blog banaya jata tha, kuch posts publish ki jati thin jo ke kisi doosri site se copy ki jati thin aur account ke liay apply kar dia jata tha aur 2 din baad aap ka adsense account approved ho jata tha.

Magar phir ahista ahista account approve main mushkilat barhnay lagi aur Google number se ziada quality par focus karnay laga.

Adsense Policy Update October 2018

Tou dosto ab ham baat kartay hain ke aakhir ab 29 october 2018 main konsi new policy ka elan kia gaya hya? Yeh tamam jankari aap Google Adsense ke official page par bhi read kar saktay hain, jo ke main yahan par aap ko aap ki apni language Hindi ya Urdu main batanay jaa raha hoon.

New Policy: Ab aap jab bhi apni kisi website par adsense ads place karna chahain gay tou aap apni us website par dorect ads nahi laga sakay gay, ab aap ko apni new site bhi Google Adsense se approved karwani paray ge, aur aap ke website ko manually check karnay ke baad aap ko Ads laganay ki permission milay ge.

Tou dosto yeh aye hay new updated policy, jis ko sun kar buhat log / bloggers pareshan ho gay hain, kiu ke pehlay aik dafa agar aap ka account approved ho gaya tou aap apni tamam sites par adsense ke ads laga saktay thay aur agar aap koi new site bhi banatay thay tou foree aap Ads laga saktay thay baghair kisi pareshani ke, magar ab is new Adsense policy updpate ke baad aap aisa nahi kar sako gay, ab har dafa aap ko apni new website Google ko dikhani ho ge aur Google team manually aap ki website ko check kar ke approve ya disapprove karay ge.

Tou dosto ab ham aap ko batatay hain ke is policy update ke baad kia honay ja raha hay aur is se aap ka kia faaida ya nuqsan ho ga anay walay dino main.

Selling Adsense Businesses are Closed Now

Aap ne buhat se logo se suna ho gay a social media par koi post dekhi ho ge je I am selling Google adsense account fully approved etc, aur who log accounts bana bana kar bechtay thay, but ab in logon ka yeh dhanda band ho jay ga kiu ke job hi banda un se account le ga us ko apni site approve karwani paray ge aur agar us ki site aisi ho jo ke Google Adsense ki policies ke mutabiq ho tou us ko yeh account khareednay ki zaroorat he kia hay who apni website ya blog ke through direct apna account approve karwa sakta hay, tou is tarah is update ki waja se Adsense accounts selling business khatam honay jar aha hay.

Event Bloggers ko Kia Nuqsan ho ga?

Dosto kaafi aisay bloggers hain jo ke events ki website aur blogs banatay hain like Diawali, Eid, Holi etc par aur garbage content daal kar aur backlinks bana kar jaldi se rank kar laitay hain us event keyword ke ooper, magar in sites main content acha nahi hota aur ziada tar tou adsense ki policies par poora nahi utarti, tou dosto ab un bloggers ke liay buhat pareshani ban gai hay kiu kea b agar who event site banatay hain aur un ka content acha nahi hota tou Google un ki site ya blog ko approve nahi karay ga, aur un ki mehnat bekaar jay ge, aur agar who Google Adsense ki policy ke mutabiq kaam karain tou un ko event site ko rank karnay main buhat pareshani aye ge aur articles bhi quality ke likhawanay paray gay jis se un ke kharacha aur time ziada lagay ga.

Auto Blogging will be closed

Dosto aap ko pehlay thora bata doon ke auto blogging kia hay aur yeh kaisay kaam karti hay? Kiu ke is new policy ka effect in auto bloggers par bhi honay jaa raha hay.

Dosto Auto blogging karnay ke liay kuch bloggers aik domain le kar us par aik script install kar detay thay jo ke doosri websites se content utha kar un ki website main post karta rehta hay aur un ko khood kuch bhi nahi karna parta, aur un sites ki ranking kuch ziada achi nahi hoti thi but posts ziada honay ki waja se un par kuch na kuch traffic aa jati thi aur un auto blogs par log adsense ads laga kar paisa kama laitay thay, but Ab un ka yeh sapna bhi khatam ho gaya kiu k auto blogs par content doosron ka hota hay aur manually review main aap ka auto blog kabhi bhi Adsense team approved nahi karay ge.

Conclusion: Google Adsense Account se aap jab bhi apni kisi website par ads lagana chahay gay tou aap ko apni website manually approve karwani ho ge, pehlay aik adsense account ke advertisements aap ke tamam websites par show hotay thay but ab 29 Oct 2018 ki policy update ke baad se aisa nahi ho ga.

Tou dosto agar aap Adsense, Blogs, WordPress, Web Hosting ya SEO ke baray main kuch bhi poochna chahtay hain tou aap ham se pooch saktay hain, ham aap ko as soon as possible comments main reply karain gay.

5 (100%) 6 votes