SHARE

Hello dosto, aap visit kar rahay hain How2Hindi.com jahan aap ko har post milay sirf Hindi language main, dosto aaj main aap ko batanay jaa raha hoon ke Android root kia hay aur Rooting ke kia faiday aur nuqsanat hain, Today we are going to tell you that what is Root and what are the benefits and losses of android mobile phone rooting.

Dosto aap ne kaafi jaga dekha aur suna ho ga rooting ke baray main, aur kaafi logon ya aap ke doston ne aap ko bataya ho ga ke unhon ne un ka smart phone root kia hay but agar aap nahi jaantay key eh kis bala ka naam hay tou aaj aap ko is ki saari ABC pata chal jay ge, aur agar aap apna mobile phone ki rooting karna chahain gay tou kar sakay gay.

what is android root hindiWhat is Android Smart Phone Root?

Dosto aap ke phone ko root karnay ka sab se bara faaida yeh hay ke aap ke mobile main aik super power aa jati hay, yani ke aap jo cheezain un-rooted device par nahi kar saktay who sab aap is phone par kar sakain gay, but sirf yeh faaida suntay he apnay phone ki rooting ka na sochay kiu k faaiday ke saath saath is ke kai nuqsan bhi hain, aur nuqsan ke baray main jaanna buhat zaroori hay.

Tou dosto sab se pehlay ham aap ko batatay hain ke ROOT akhir hay kia? Dosto jab aap aik android smart phone kharidtay hain tou aap apnay mobile phone main kuch built-in softwares dekhtay hain jin ko aap edit ya change nahi kar saktay aur na he aap un ko delete kar saktay hain, aur na he aap android ki kisi setting file ko kuch kar saktay hain, sirf aap apnay phone main Google play store ya kisi aur se apps install kar saktay hain ya apni installed ki hui apps ko delete kar saktay hain. Magar root karnay ke baad company ki pre-installed applications ko bhi delete kar saktay ahin, actually dosto jab company hamain aik smart phone deti hay tou who kuch limitations ke saath hamain mobile deti hai, aur un limitations ko hatanay ya remove karnay ka naam he rooting hay, aur is process ke baad aap ke aagay koi line, limit ya boarder nahi reh jaata aap apnay mobile ke saath kuch bhi kar saktay hain, us ki kaafi memory space bhi free kar saktay hain, us ki speed enhance kar saktay hain, aur yahan tak ke aap apnay mobile phone ko mukamal tor par dead bhi kar saktay hain.

Benefits of Rooting Android Smart Phones

  • Dosto mobile ko root karnay ka sab se pehla faaida yeh hota hay ke aap apnay smart mobile main se pre-installed ya company ki taraf se installed ki hui app s ko remove kar saktay hain, jis se aap kin a sirf disk space free ho ge balkay Ram ki speed main bhi azafa ho ga.
  • Agar aap ke mobile phone ki company aap ko android ka update nahi de raha hay ya un ke update ke aanay main dair hay tou dosto aap internet se custom ROMs download kar ke android system ka koi bhi version apnay mobile par install kar saktay hain who bhi baghair wait ke, aur jab marzi is ko change, upgrade ya downgrade kar saktay hain.
  • Aap apnay phone main kisi bhi android file ki coding main changing kar saktay hain aur aur aap coding jaantay hain tou is app ko aap apni marzi ka bana saktay hain.
  • Google Play Store par kaafi aisi applications hain jo ke sirf rooted mobiles ko he support karti hain, tou un ko use karnay ke liay aap ka mobile rooted hona chaihay.

Damages of Android Rooting

  • Smart phone ko root karnay ka sab se pehla nuqsan yeh hay ke aap is ki warranty kho baithay gay, agar aap ke mobile ki warranty hay tou us par yeh rooting na karain warna ap warranty claim nahi kar sakain gay.
  • Aap company ki taraf se koi bhi update bhi haasil nahi kar pain gay, kiu k company jo update files deti hain who rooted devices ko detect kar laity hain aur aap un ko run nahi kar paatay.
  • Kaafi Bank aur money related applications aap ke mobile par nahi chaplain ge kiu k hacking ke dar ki waja se banks aur money related companies ki apps rooted devices ko support nahi karti, aur aap in ko sirf un-rooted mobiles par he use kar sakatay hain.
  • Aap ka phone unprotected ho jata hay, kiu ke jab ham company version mobile use kartay hain tou who buhat he protected software ke saath hota hay but root karnay ki waja se hamaray mobile phone ki security buhat he un-protected ho jati hay.
  • Virus aanay ka chance bhi barh jaata hay.

Tou dosto umeed karta hoon aap ko Android Rooting ke faaiday aur nuqsan ka pata chal gaya ho ga, aur agar aap ko yeh post achi lagi ya aap ke knowledge main azafa hua hay tou please is website ko like and share karain aur kisi bhi sawal ko poochnay ke liay neechay comment section main apna comment chor jaain ham aap ke sawal ka foree jawab denay ki koshish karain gay, aur sharing ke buttons aap ko neechay dikh rahay hain un par click kar le is post ko share kar dain taakay hamari aur aap ke friends ki bhi help ho sakay.

LEAVE A REPLY

Please enter your comment!
Please enter your name here