SHARE

Dosto kuch vsiitors ne muj se swal kia ke kia Ludo Star game hamara data chori kar rahi hay ya phir yeh dushman ne banai hay jis ke through who hamain nuksaan puhncha saktay hain, Ludo star game ki haqeeqat kia hay etc, tou dosto aaj is post main yeh sab cheezain main clear kar du ga, aur aap bhi is game ki haqeeqat jaannay ke liay is post ko poora parhain, taakay aap ko is game Ludo Star ki reality pata chal sakay who bhi Hindi main.

Rumors about Ludo Star Game in Hindi

Friends agar aap is game ko khailtay hain ya is ka name suna hua hay tou dosto aap ne facebook main ya kisi whatsapp group main is game ke baray main kaafi rumors suni hon ge like,

  • Yeh game khailnay walay logo ka data chori kia jaa raha hay!
  • Aap ke mobile main yeh game virus daal rahi hay!
  • Aap ki personal pictures aur videos ko monitor kia ja raha hay!
  • Aap Dushman mulk ke haathon main aa chukay hain!
  • Aap ki location share ki jaa rahi hay!
  • Aap ke mobile phone ke camera ki permission kisi aur ke paas chali gai hay etc.

Agar aap ne abhi tak facebook ya whatsapp par yeh khabar nahi parhi tou buhat jald aap yeh jhooti news sun lain gay, kiu ke is game ke khilaaf kaafi ziada cheezain social media par viral ho chuki hain, Indian groups main kaha jata hay ke yeh game ISI Pakistan ne banai hay aur who aap ko monitor kar rahay hain aur Pakistani groups and comunites main yeh kaha ja raha hay ke yeh game Indian RAW ne banai hay aap ki jasoosi karnay ke liay.

Dosto aaj ki post tou main kisi aur topic par likhnay ja raha tha magar aap dosto ki buhat ziada requests ki waja se main yeh post Ludo Star game ke baray main likh raha hoon taakay aap sab ko is ki reality ‘real ya fraud ya fake’ honay ka pata chal sakay.

Introduction about Ludo Star Game in Hindi

Dosto is game ko banay huay abhi kuch maheenay guzray hain magar dekhtay he dekhtay yeh game dunya bhar main buhat he ziada popular ho chuki hay, mostly India, Pakistan, Bangla Desh ke log is game ko enjoy kar rahay hain, aur Asia main taqreeban har mobile phone main yeh game installed ho chuki hay, is ki ratting bhi zabardast chal rahi hay, yeh baatain tou theek hain magar jab aik aam aadmi yeh jhooti rumors sunta hay tou sochta hay ke kahin us ka data chori tou nahi ho raha?

Reality of Ludo Star Game in Hindi

Tou Dosto jo bhi cheez buhat ziada mashhoor ho jati hay log us ke baray main aisi jhooti rumors phailatay hain khas tor par social media par, taakay un ko bhi kuch views aur visitors mil sakay jin se un ki bhi kamai ho jay, aur kuch laalchi youtubes tou news channels ka logo bhi use kar ke videos aur pictures bana laitay hain taakay aam aur sada log un ki baat ko sach samjhain.

Dosto main ne is game ko personally check kia hay aur main yeh baat aap ko keh sakta hoon ke aap ke mobile phone ka data safe hay aur aap ko ghabranay ki zaroorat nahi hay. Agar aap khood bhi is cheez ko check karna chahtay hain tou neechay diye gay tareeqay ko follow kar lain.

Check karain ke Ludo Star aap ka Data Chori Kar rahi hay?

  1. Dosto apnay mobile phone main settings ko open kar lain.
  2. Ab yahan par aap Application par tap karain.
  3. Application manager main aanay ke baad aap Ludo Star game ko find karain aur us par Tap kar dain.
  4. Ab yahan par aap ko ‘Permissions’ ka option nazar aye ga us par tap kar ke open kar lain.
  5. Aur friends yahan par aap dekh saktay hain ke kin cheezon ki is aaplication ko access de gai hay in main just aap ki storage shamil ho ge, aur aap clearly dekh saktay hain ke yahan par is game ko Camera, Micro Phone ya GPS etc ki access nahi hay.

Tou dosto ab tou aap ne khood bhi check kar lia hay ke Ludo Star game ke baray main yeh tamam khabarain jhooti phailai jaa rahi hain, aur yeh app aap ke phone main se koi data chori nahi kar rahi, tou dosto aur useful posts ke liay hamari website How2Hindi.com ko visit kartay rahay aur aap ke guzarish hay ke is post ko apnay social media accounts par share zaroorar karain taakay aap ke baaki dosto ko bhi is application ki haqeeqat ka pata chal sakay.

Dosto agar aap is game ko download kar ke apnay mobile phone main khailna chahtay hain tou main is ke Google Play store ka link de raha hoon, aap is link par click kar ke yeh game apnay mobile main download ya install kar saktay hain.

Ludo Star Game Download

5 (100%) 1 vote

LEAVE A REPLY

Please enter your comment!
Please enter your name here