SHARE

Hello dosto aaj ka topic pimples treatment ke baray main, yani ke aaj ham aap ko batanay jaa rahay hain ke how to get rid of Acne in Hindi language, taakay aap easily is problem ka solutions nikal sakain who bhi apnay ghar main baith kar, ham aap ko home remedies ke through pimples ya dano ko khatam karnay ke totkay batain gay, aur hamain umeed hay key eh home remedies “totkay” aap ke liay buhat ziada kargar sabit hon gay.

Pimples on Face Treatment at Home in Hindi

So guys aap jaantay hain ke ham is website how2hindi.com main har article aur post aap ki apni zuban main share kartay hain taakay jin logo ko English nahi aati who bhi in cheezon ko aasani se samajh sakain. Hamain buhat ziada requests mil rahi thin ke hamary face par pimples hain aur please hamain is ka koi treatment batain jo ke home par he ham kar sakay tou isi liay dosto main aaj aap ko pimple on face ka complete elaj ka tareeqa batau ga and you will get rid from the Acne for lifetime.

“Oily skin walay larkay aur larkion ko ACNE / Pimples ka problem ziada hota hay”

Oily Skin in Hindi

Tou dosto jo log keel muhason ki waja se pareshan rehtay hain, aur buhat se doctors ke paas jaanay ke baad aur kaafi treatment karnay ke baad bhi agar un ke keel aur daanay theek nahi ho rahi tou aaj yeh post aap ke liay aik tuhfa hay aur aaj ke baad aap ke chehray par kabhi keel muhasay nahi niklain gay, aap bas is hindi article ko ghor se poora parh lain aur in instructions ko apnay face par apply karain.

Pimples kia hain? – What is Acne?

Yeh aik skinny disease hay jo kea ziada tar oily skin walay logo ko hoti hau magar is ka yeh matlab nahi ke jin ke skin dry hay un ko yeh problem nahi hoti. Is main aap ke face, shoulder, back ya chest par daanay (keel / muhasay) nikaltay hain. Ziada tar yeh problem un ko hoti hay jo bachpan se jawani ki taraf jaa rahay hotay hain yani ke 15 se 18 saal ki umar ke darmyan yeh problem ziada tar dekhnay main aati hay.

What is Acne in Hindi

Yeh khatarnak bimari tou nahi hay magar is ka aik bara nuksaan yeh hay key yeh face par nishan chor kar jaa sakti hay ko ham apni zuban main chaaiyan ya dhabay bhi kehtay hain, jin ki waja se aap ko khoobsurti main kami aa jati hay aur saari umar aap ko in dhabon aur chaiyon ke saath jeena parta hay.

Acne ya pimples ki chand prakaar hain jin jaisay ke blackheads, whiteheads, pustules, papules, nobules, cysts waghera.

What Causes of Acne / Pimples

Andorgen Hormones Level: Mukamal tor par abhi is ki exact causes (karan) koi nahi jaanta magar ziada tar doctors ka is par sahmat hain key yeh disease androgen levels ke barhnay ki waja se hoti hay, aur androgen aik prakaar ka harmon hota hay.

Genetic: Kuch adhayan yeh bhi batatay hain yeh problem genetic ki waja se hoti hay, yani ke agar aap ke maan ya baap ko yeh problem thi tou aap ko bhi yeh masla ho sakta hay.

What Causes of Acne Pimples

Diet: Agar Aap ki diet main ziada oily cheezain hoti hain, yani ke aap samosay pakoray yaa tali hui cheezain ziada istemal kartay hain tou aap ko ACNE / Pimples ki problem honay ki ziada sambhavna ho ge. Is ke elawa agar aap ziada dairy products use kartay hain jaisay ke makhan, desi ghee etc tou yeh abhi is ki aik bari waja hay.

Tension / Stress: Agar aap pareshan rehtay hain ya kisi bhi prakaar ki tension letay hain tou aap ko yeh problem ho sakti hay balkay pareshani ki waja se yeh bimaari ziada buri tarah lagti hay, is liay hamesha tension and stress free rehnay ki koshish kia karain, tension lenay se na sirf yeh bimari lagti hay balkay aap stress ko 100 diseases ki waja bhi keh saktay hain, is se blood pressure, heart attack, stroke jaisay baray rog bhi lag saktay hain. So ham apnay readers aur fans se darkhuwast karain gay ke apni zindagi main se tension name ki cheez ko nikal bahir phainkain, agar aap ke saath kuch ghalat hua hay ya ho raha hay tou stress lainay se who theek nahi ho ga balkay aur ziada barhay ga.

How to get Rid of Acne / Pimples from Face at Home in Hindi

Ice Treatment

Sab se pehli jo home remedy main aap ko batau ga who aik buhat asan aur baghair paiso ka totka hay, aur aap ko apnay ghar ke bahir se bhi kuch laanay ki zaroorat nahi paray ge, just aap ko barf ka aik tukra laina hay aur is ko aik malmal ke kapray main lapait laina hay, us ke baad is ko apni skin par wahan par 5 minutes ragrain jahan par yeh keel muhsay aur daanay hain, is tareeqa ko aap har ghantay baad karnay ki koshish karain, aap ke pimples and Acne jald he khatam ho jain gay aur saath main aap ki skin par daagh dhabay nishan bhi nahi paray gay.

Milk & Oil Treatment

Masoor ki daal lain aur is ko achi tarah se grander main daal kar pees lain, ab is main milk & oil mila kar is ki aik paste bana dain, aur is paste ka laip apnay face par karain aur 15 minutes tak laga rehnay dain, is totkay se aap ke acne and pimples khata, bhi hon gay saath he saath in main jalan bhi foree tor par kam ho jay ge.

Water Method

Yeh tareeqa kargar tou hay magar yeh thora sa lamba process hay yani ke aap ke daanay theek honay main thora time lagay ga, par agar aap is par prakriya kartay rahain tou aap ko future main is problem ka samna nahi karna paray ga. Tou dosto aap ko paani (water) ziada se ziada peena hay, aur har 2 hours baad aap ko apna face thanday water se dhona hay, agar aap mineral water piyain gay tou yeh aap ke liay ziada acha hay.

Face Pimples & Acne Treatment with Honey

is tareeqa main aap ko tissue paper aur honey (shehad) ki zarooray hay, aap ne aik tissue paper ke tukray ko fold kar lena hay aur us par shehad yani honey ka laip kar dena hay after that us apnay face ko thanday water se dho kar apnay chehray par is tissue paper ko laga lain aur 15 minutes baad is ko utaar dain aur dobara thanday paani se apnay chehray ko dho lain kuch he dair main aap ke face se daanay keel muhasay kaafi had tak baith jain gay aur aap ki skin bhi fresh aur sakoon mehsoos karay ge.

Acne Pimples Treatment with Steam

Steam Treatment Hindi

Steam yani bhaap apnaay face par ya jahan par bhi aap ko yeh problem hay wahan par lain, kuch he dair main aap ke chehray se yeh keel muhasay khatam ho jain gay. Agar bhaap (steam) lenay ke baad us jaga par shehad (honey) ka laip par lain tou buhat jald fark paray ga aur aap ki skin buhat shiny bhi ho jay ge, yeh tareeqa din main aik baar he kaafi hay.

Lemon to Handle Acne

Aik lemon lain aur us ko kaat kar apni skin par achi tarha ragrain aur kuch dair baad skin ko saaf kar lain, agar is tareeqa se aap ke skin main jalan ho tou is ko use mat karain.

2nd: half cup rice (chawal) lain aur un ko aik raat ke liay paani main bhigo dain, aur ab is main see pani nikaal kar chawalon (rice) ko pees kar is ki paste banay aur is main 6 se 7 qatray lemon juice ke daal kar achi tarah mix kar dain, ab is paste ko pimples ke ooper laga dain, aur 30 minutes baad thandat water se dho lain.

Neem & Haldi

Agar aap ke ghar par ya aap ke kahin nazdeek neem ka drakht laga hay tou yeh aap ke Acne ko khatam karnay main buhat he upayogee sabit ho ga, chand neem ke pattay lain aur un ko khushk karnay ke baad pees lain aur is powder ki miqdaar ke barabar he is main haldi ka powder daal kar mix kar lain, ab is main chand katray honey mila kar Acne par lagain aur raat bhar laga rehnay dain, subah aap ke pimples ghaib ho chukay hon gay.

Acne Treatment with Rose Water

Rose Water & Astringent (Satammak) for Keel Muhasay

Rose water yani gulab ke phoolon ka pani aur astringent yani ke Satammak ko barabar maatra main lain aur mix kar lain, is ke baad apnay face ko achi tarah dry soap se wash kar lain aur is ko apnay face par laga lain. Kuch minutes baad is paste ko apnay chehray se utaar dain aur apna face ko saaf kar lain.

Cold Tea Treatment

Sab se pehlay tez patti wali chay (tea) banay, aur ab is ko thanda karain, thora sa thanda honay par ab is main thora sa pani daal kar mix kar lain aur is ko pee lain, yeh bhi aap ke keel muhason ko khatam karnay ke liay kaafi kargar sabit ho ge.

Baking Soda and Lemon Treatment for Face Pimples

Thoda sa baking soda lain aur is main thora sa lemon juice daal kar is ki paste / creem bana lain aur is creem ko apnay chehray ya jisam ke kisi bhi hissay par laip kar lain jahan par aap ko whiteheads ya blackheads ki problem hay, aap ke ACNE chand dino main khatam ho jay ga aur aap ki skin bhi buhat saaf suthri aur chamakdar ho jay ge.

Pimples Acne Hindi Treatment

Conclusion: Tou dosto yeh thay kuch gharelu totkay / home remedies jo ke Acne aur pimples ke treatment ke liay aap ko ham ne batay, agar aap ko in se faaida nahi hua yaa ap ki halat ziada kharab hay tou home remedies ki bajay foree doctor se contact karain. Aur agar aap bhi koi achi tip ya totka yahan publish karna chahtay hain tou neechay comments main apna comment chor jain, aur agar aap ko hamari yeh post achi lagi tou please is ko neechay diye gay buttons par click kar ke share zaroor karain, is se ham prerit hon gay, Shukriya / Dhanayvaad.

LEAVE A REPLY

Please enter your comment!
Please enter your name here