SHARE

Google aik aisa naam jis se har koi waqif hay, har koi is ko jaanta hay ke google kia hay, magar dunya ki yeh bari company sirf search engine ki services he nahi de rahi balkay iski aur buhat se services poori dunya main chal rahi hain, jin main Youtube, Adsense, Gmail, aur buhat se cheezain shamil hain.

What is Google Adsense Program?

Buhat se aisay log hon gay jo ke abhi Adsense ke baray main nahi jantay tou ham aap ko bata dain ke Adsense Google ki ad serving service hay jo ke poori dunya main chal rahi hay, dunya main ziada tar jo websites chal rahi hain wo Adsense se he Ads le kar apni websites ya blogs par lagatay hain, us ke Elawa jitnay bhi youtubers youtube se paisa kamatay hain who bhi isi ads program ki waja se he chal raha hay, aur baat yahan par he khatam nahi hoti balkay android applications jo ke ham apnay smart phones main chalatay hain un par bhi developers adsense se he ads le kar lagatay hain aur earning kartay hain.

Adsense Terms and Conditions in Hindi Language

Tou dosto jab bhi koi website owener, youtuber ya application developer Google Adsense ke liay apply karta hay tou sab se pehlay us ke saamnay Terms of services ya conditions ka page aata hay jis ko read kar ke un terms ke saath agree karna zaroori hota hay, but buhat se aisay log hain jo ke is page ko read nahi kartay yaa phir hard English language ki waja se woh log in ko samjh nahi paatay tou dosto unhi logo ke liay ham le kar aye hain Google Adsense Terms and Conditions in Hindi language, so aap tamam important baton ko yahan par read kar sakain gay aur future main un par amal karain taakay aap ka Adsense account bhi safe rahay.

Kaafi Google Adsense ki terms aur conditions ko read nahi kartay jis ki waja se who in ki violation kartay hain aur aakhir main un ka account block ya suspend ho jata hay aur itni mehnat karnay ke bad bhi un ke haath main kuch nahi aata aur un ki mehnat bekaar ho jati hay.

Read these rules and TOS carefully Hindi

Invalid Clicks and Impressions

Is policy main aap ko bataya jaata hay ke aap ne apnay ads units par khood click nahi karna hay, aur na he aap ne apnay ads par impressions khood denay hain, kuch impressions ki had tou tou theek hay magar kisi software ya application ke through aap ne aisa kaam nahi karna ke aap ki website ya ads baar baar open hon yaa un par click ho.

Encouraging clicks

Is point main aap ko yeh bhi kaha jata hay ke aap ne kisi ko bhi apnay Ads par click karnay ke liay nahi kehna, aur na he kisi friend ya kisi aur se clicks karwanay hain, violation karnay par aap ka account baghair kisi warning ke block kar diya jay ga.

Content Guidelines

Dosto kisi bhi website par Google adsense apply karnay se pehlay ya us par apnay pehlay se approved account se ads codes laganay se pehlay is content guideline ko zaroor read karain aur agar aap ke content ya website / blog main koi kami hay tou pehlay us ko theek karain. Jaisay kaafi mere webmaster ya blogger dost apni movies, softwares, freewares, games, gambling ya songs ke websites par adsnese ke ads laga laitay hain aur un ka account bhi kuch din main block ho jata hay aur who heran he rehtay hain ke aakhir unho ne aisa kia kia hay jis ki waja se un ka account banned ya suspended hua, you un dosto se guzarish hay key eh content guidelines ko ghor se parhain.

Do not Advertise Google Adsense Ads Codes If your Website has

  • Adult content, pornography, ya koi bhi gandi ya nude pictures / photos,ya aisay articles jis main gandi baatain ki gai hon jaisay ke aaj kal kaafi blogs chal rahay hain jin par gandi baatain, gandi kahaniyan aur ganday lateefay published hotay hain. Yani ke aap ka content aisa ho jis ko family main baith kar log parh aur dekh sakain.
  • Hate Speech, Larai, Jhagra, Maar Kutai wala content bhi aap apnay blog main publish nahi kar saktay aur na he aap kisi ko larai jhagray ke liay uksaa saktay hain.
    Kisi ke bhi Darham ke baray main ya kisi bhi community ke baaray main ghalat mat bolain, aur na he aap ki koi aisi picture ya video kisi bhi darham ya ya kisi community ke logo ki dil azari karay.
  • Hacking, Cracking ke baray main website nahi honi chaihay, hacking tutorial ya is baray main bilkul bhi aap ne apnay blog main kuch bhi post nahi karna.
  • Nulled Scripts are also not allowed in Google Adsense program policy, yani ke aisay softwares ya games jo ke paid hain, aur aap un ke link Free main de rahay ho key eh softwares is link se free download ho saktay hain tou yeh bhi ghalat hain aur aap ne apni site main aisa koi link nahi dena jo ke nulled softwares ka ho.
  • Aap ki website main koi bhi aisa script code, HTML, ya Jave code aisa nahi hona chaihay jo ke malicious ho ya us main virus ho, aisa karnay se aap TOS ki khilaf warzi karain gay aur aap ka account risk par ho ga.
  • Sharab, Vine, Whisky ke baray main aap ka content nahi hona chaihay. Aur ne he aisi videos ya pictures ho jo is cheez ko badhawa deti ho.
  • Drugs, aur medicine ko bhi aap avoid he karain, kisi kisam ki medicine ya drugs ki information bhi apni site par na dain.
  • Tobacco, Tambaco, Paan, Chaliya, Gutka Supari ke baray main bhi hargiz jankari na dain.
  • Guns Related content yani hathyaaron ke baray main bhi koi post pictures ya photos na daalain, yeh information aap ke account main risk main daal sakti hain.
  • Koi bhi aur aisa content jis main kisi illegal cheez ko promote kia jar aha ho aap ne apnay blog ya site par hargiz nahi lagani.

Ooper dee gai cheezon main se agar koi bhi content aap ke blog main shamil ho ga tou kisi bhi time aap ko Google adsense account aap ki earning ka zaroya suspend ho sakta hay.

Webmasters Guidelines – Content Likhnay ka Tareeqa

Kisi bhi website / blog par ads laganay se pehlay is baat ki bhi tassali kar lain ke kia aap ne content bilkul theek likha hay, aap ke article main ya content main koi ghaltiyan tou nahi hain. Tou dosto Advertisements ko laganay se pehlay Webmasters guidelines ko aik baar parh lain jo ke ham ne aap ke liay Hindi language main likhain hain, Urdu parhnay aur likhnay walay log bhi is article ko asaani se parh aur samjh saktay hain.

  • Aik page par ya article main koi bhi word ya line bar bar na likhain yani kisi content ko bar bar lrepeat na karain. Kisi bhi word ko utna he use karain jitni ke wahan article ya post main us ki zaroorat ho.
  • Kisi bhi text ka color background color se match na karain, ya kisi bhi word, line ya text ko hide karnay ki koshish na karain, kiu ke kuch log aisi purani black hat techniques ko SEO purpose ke liay use kartay hain jo ke aaj ked or main nahi chalti, kiu kea b Google buhat samjhdaar ho chukka hay, aur apni text ka color backgrounf se mukhtalif rakhain jo ke reader asani se parh sakay.
  • Doorway pasges technique laranay se bhi baaz rahain, yeh aisi techniques hain jo ke log Black Hat seo ke liay use kartay hain ke shayad is se in ki website ki ranking buhat jaldi achi ho jay ge, but ab aisa nahi chalta yah sab tips ab bekaar hain balkay ulta yeh aap ka nuqsaan karain ge.
  • Article aisa likha ho jo ke sab ko asaani se samjh aye aur use apna time spent karay aap ki website par, aur ko bhi topic ho us ko achay tareeqay se samjhanay ki koshish karain.

Traffic / Visitors Guidelines Policy of Google Adsnese

  • Kisi bhi aisi website par Google Adsense ke ad codes na lagain jahan par visitors ko hack kar ke, ya spam emails send kar ke laya jay.
  • Paid Traffic ki websites par bhi adsense ka risk hota hay, tou agar aap ki wbeiste par sirf paid traffic hay aur search engines se ap ki site par traffic nahi hay tou bhi aap ad codes na lagain.
  • Traffic Exchanges websites se traffic ya visitors hargiz ne lain warna ye aap ke account ko nuqsaan puhnchay gay, aur google is baat se sakhti se mana karta hay.
  • Aaj kal market main kaafi softwares hain jo ke aap ki sites par fake traffic laatay hain tou dosto is traffic ka bhi aap ko koi faaida nahi hay aur aap is kisam ki traffic ya visitors ko apni site par na lain, aut in softwares ka istamal band kar dain.

Ads Placements Policy

  • Apni site par buhat ziada advertisements na lagain, aik page par munasib ads lagain, jis se aap ka visitor pareshan na ho aur usay aap ka content read karnay main koi masla na ho.
  • Ads aik doosray ke bilkul kareeb na lagain balkay page main kuch faaslay par ads lagain.
  • Apnay menu ke kareeb ya neechay ads na lagain us se accidental clicks ho jatay hain, jo ke aap ke account ko nuqsaan puhnchatay hain.
  • Apni Ads ke aas paas Click Here ya is tarah ki koi bhi text na likhain, aap anay ads par sirf Advertisements likh saktay hain.

Ad Behavior Terms and Conditions Adsnese

  • Ads ke HTML code main bilkul changing na karain.
  • Agar ads ka size, color etc change karna hay tou apnay Google Adsense ke account main login ho kar ad units main jaa kar edit karain.

Site Behavior Policy in Hindi Language

  • Aap ki website ya blog main navigation proper honi chaihay.
  • Yeh bhi yaqeen kar lain ke aap ne site map banaya hua hay, taakay visitors ko aap ki site ki navigation main problem na ho.
  • Buhat Ziada Popups bhi aap ki site ki search engine ranking aur aap ke adsense account ko nuqsaan puhncha saktay hain, aap koshish karain ke pop ups bilkul use na karain, aur agar zaroori ho tou aik se ziada pop up code na lagain.
  • Aap ki website main Automatic downloads nahi honay chaihay, yani ke visitors ki marzi ke baghair auto download koi cheez na ho.
  • Aap ki website ya blog main koi virus ya ghalat kisam ki coding na ho, is ke liay aap apnay Cpanel main jaa kar Virus Scanner ki option se apni website ko month main aik baar check kartay rahain.

Tell Visitors about Cookies Policy

Apnay visitors ko batain ke aap ki website un ki browser cookies use kar rahi hay, aur yeh cookies sirf is liay use ho rahi hain taakay un ko behtreen ads provide kiay jaain.

Cookies ka batanay ke liay aap wordpress par plugins use kar saktay hain, jo ke aik chota sa message aap ki website par daal dain kea p ki site cookies use kar rahi hay.

COPPA Act in Hindi: Children’s Online Privacy Protection

Aap ki website ka content bachon ke liay bhi safe hona chaihay yani ke website par aisi koi cheez na ho jo ke bachon ke liay nuqsan deh ho ya agar koi bacha ap ke content ko parhay tou us ko zehni tor par koi nuqsaan ho.

Final Words

Tou dosto, yeh hain Google Adsense publisher program ki tamam terms and conditions who bhi aap ki apni zubaan (language) Hindi ya Urdu main, mujay umeed hay ke in ko read karnay ke baad aap in sab baton ka khayal rakhain gay, aur apni websites ya blogs ko behtar banain gay, Dosto yeh article ham ne buhat mehnat se likha hay agar aap ko hamari koshish pasand aye hay tou please gamari website ko share karai, like karain, aur sharing ke buttons neechay diye huay hain.

Agar aap ko kuch bhi poochna hay ya kisi point ki samjh nahi aye tou aap neechay comments main pooch saktay hain.

5 (100%) 1 vote

LEAVE A REPLY

Please enter your comment!
Please enter your name here