SHARE

Aaj is post main ham aap ko sikhain gay ke kis tarah aap adult or ghalat kisam ki websites ko apnay computer, ya mobile phones par block kar saktay hain aur is tarah koi bhi ya bachay waghaira aap ke mobile phone main adult websites open nahi kar pain gay aur na koi ghalat videos dekh sakain gay. So guys today in this post we will tell you that how to block adult websites on your computer and android mobile phones also.

Agar aap Apna mobile bachon ko sirf is waja se nahi detay k kahin ghalti se wo koi gandi adult website na open kar lain, ya aap ka beta / beti aap se zid kartay hain ke woh mobile laina chahtay hain but aap ko dar hay ke kahin woh gandi websites na open kar lain tou is ke liay aaj aap ko buhat he asan solution denay walay hain ham, aaj aap ko pata chal jay ga ke kis tarah aap simple steps ke through apnay mobile, computer aur kisi bhi windows par aap adult websites block kar saktay hain.

Tou dosto sab se pehlay ham aap ko batatay hain ke agar aap windows 10 use kar rahay hain tou aap kaisay yeh process kar saktay hain…

Block Adult websites in Windows 10

  1. Sab se pehlay aap start menu main chalay jaain, yaa aap left down corner main windows ke button par click kar dain yaa aap keyboard par diye gay window ke button ko press kar dain.
  2. Ab yahan par aap ko botton left main setting ka icon nazar aye ga, is setting ke icon par click kar dain.
  3. Ab setting page ke left side par aap ko ‘Family and other people’ ki option nazar aye ge, is par click kar dain.
  4. Ab yahan par aap ko ‘manage family setting’ online par click karna hay. Yahan par aap restriced user ki options bhi dekh saktay hain.
  5. Ab yahan par aap ne jis user ko retrict karna hay us ke name ke aagay ‘web browsing’ par click kar dena hay.
  6. Yahan par aap ko aik heading main web browsing likha nazar aa raha hay theek is ke neechay ‘Block inappropriate websites’ ki option hay just is par click kar dain, aur aap ka kaam complete ho gaya!

how-to-block-websites-on-windows-10

Ab aap ke PC par koi bhi adult website ya blog open nahi ho ga, aur aap ke connected devices like Xbox etc par bhi koi aisi gandi cheez open nahi ho ge.

Block Adult websites in Windows 7

  1. Is main bhi sab se pehlay aap start menu ko open kar lain, left bottom coner main window ke nishan par click kar ke, ya phir aap keyboard par diye gay windows ke button ko click kar ke bhi start menu main jaa saktay hain.
  2. Ab yahan par search ki option main aap type karain ‘windows live family safety’ aur aap ko ooper yeh windows live family saftey ki option nazar aa jay ge, aap ne us par click kar dena hay.
    Agar aap ki window main family saftey ka option nahi hay tou aap family saftey internet se download kar ke free main install kar lain.
  3. Ab yahan par aap ne group ya who user select karna hay jis par aap adult websites ko block karna chahtay hain.
  4. Is step main aap se Microst ka user name aur password maanga jay ga aur aap ne is ko fill kar dena hay, aur sign-in par click kar dena hay.
  5. Ab Yahan par us user name ke check box ko select kar laina hay jis par aap ne ghalat websites ya blogs ko block karna hay, aur just save par click kar dena hay.
  6. Ab yahan par aap ko live.com ka link nazar aye ga us par aap ne click kar dena hay.
  7. Yahan par aap ko ‘view activity report’ ka butoon nazat aye ga aap ne ab us par click kar dena hay.
  8. Is par click karnay ke baad aap ko ‘Web Filtering’ ki option nazar aye ge, yeh top left corner main aap ko milay ge, is par click kar ke aap ne is web filtering ko enable kar dena hay.
  9. Is option ko enable karnay par aap ko neechay options aur nazar ayen gay,
    Custom: is main aap apni marzi ki websites ko block kar saktay hain.
    Basic: is main tamam adult websites automatically block ho jain ge, magar chances hain kuch halakay ganday content wali sites open ho jain.
    Strict: is mode main koi bhi gandi adult website bilkul bhi open nahi ho sakay ge, agar kisi bhi website main koi gandi cheez ya keyword dala hua hay tou who automatically blocked ho jay ge, bachon ne agar PC / Laptop use karna hay tou yeh option aap ke liay sab se ziada best hay.
  10. Strict ko selecet kar ke ap ‘Save’ ke button par click kar dain.

block-websites-windows-7

Tou dosto yeh tha mukamal tareeqa jis se aap windows 7 par adult websites ko easily block kar saktay hain… ab ham neechay aap ko batain gay ke kis tarah se yehi kaam aap apnay android smart phone par kaisay kar saktay hain, aur sab se ziada requests bhi hamain android phone ke liay he mili thin.

How to Block Adult Websites on Android Smart Phone

how-to-block-adult-websites-on-Android-Smart-Phone

Dosto aap ko windows main yeh tareeqa ham bata chukay hain aur ab ham batanain ke k kis tarah same process aap apnay android smart phones main bhi kar saktay hain, kiu ke ham zaiada tar aaj kal apnay bachon ko apnay smart phones de detay hain taakay who games khail lain yaa phir youtube par videos dekh lain, magar internet par aap ko pata hay ke kabhi bhi kisi bhi ghalat keyword ki search se aap ke saamnay kaafi gandi cheezain open ho sakti hain, so dosto aaj aap ke yeh darr kuch dair main khatam honay wala hay, aaj aap ko pata chal jay ga ke kis tarah aap un tamam websites ko restricted kar saktay hain.

  1. Tou sab se pehlay dosto apnay smart phone main internet data connection ya Wi-Fi ke through on kar lain, aur apnay android smart phone ke menu main jaa kar Google play store open kar lain.
  2. Ab yahan par aap ko Play store ki settings main jana hay, Play store main top left corner main 3 line ka icon hay us par click karain aur neechay aap ko settings ki option nazar aa jay ge, us par aap click kar dain.
  3. Setting menu main aap ko Parental Controls ki option nazar aye ge aap just us par tap kar ke us ko ON kar lain.
  4. Ab yahan par aap se aik 4 digit ka pin code maanga jay ga aap koi bhi 4 digit ka pin code set kar ke Okay kar dain, aur is pin code ko aap yaad rakhiay ga.
  5. Ab yahan Parental control option main aap ko 5 categories nazar ayen ge,
    Apps and Game
    Films
    TV
    Megazines
    Music
  6. Ab aap ne baari baari in tamam options main jaa kar in main 12 years ki age ko select kar ke save kartay jana hay.
    Tou is tareeqa kar se Google play store main aur baaki google products main tamam adult cheezain block ho jain ge.
  7. Ab aap Google Chrome browser ko open kar lain, takay ham yahan par bhi restrction mode laga sakain jis se is browser main bhi ghalat sites open na ho sakain.
  8. Chrome browser main top right corner main 3 lines walay icon par click karain aur aap ke paas aik menu appear ho ga jis main aap ko easily settings ki option mil jay ge, aap ne setting ki option main chalay jana hay.
  9. Settings main aap ne ‘Privacy’ tab main chalay jana hay.
  10. Yahan par aap ne “Safe search” ki option ko talash karna hay aur aur is ko activate ya ON kar dena hay aur settings ko save kar dain.

Lijay janab Android smart phone main bhi ham ne adult websites ko kamyabi se block kar diya hay, ab aap apnay android smart mobile phones, Laptop, Computers apnay bachon ko be khof ho kar de daktay hain aur who kuch bhi adult website ya blog open nahi kar pain gay, aur dosto ham jald he apni next post main aap ko batain ke gay kis tarah aap apnay Iphone aur mac par bhi adult websites ko block kar saktay hain, tou dosto hamari website ko social networks par share kartay rahay aur visit kartay rahain How2Hindi.com aur agar aap kuch poochna chahtay hain tou neechay comments ki option aap ke liay mojood hay, dil khol kar apnay questions poochiay ham aap ko jald he reply kar dain gay aur aap ki problem ko solve karnay ki poori koshish karain gay.

LEAVE A REPLY

Please enter your comment!
Please enter your name here